胡㻗爆阿爸教路收斂脾氣

《2016香港先生選舉》昨日舉行「TVB fun 全城熱選」記者會呼籲觀眾投票，(5)胡㻗被爆老竇原來是前無綫力捧小生胡越山，自小跟隨母親長大的他被問到會否介意被起底？他說：「OK，冇乜感覺，大家都少見，可能一兩年先見一次。（被起底後有冇聯絡？）佢有打畀我，關心我參選點。（有冇教路？）佢叫我做好自己，同埋佢話佢以前都有啲脾氣，叫我唔好學佢。（爸爸近況點？）好似開按摩店，自己都未去睇過。」問會否邀請爸爸睇決賽？胡㻗說：「如果佢有時間都會叫佢。（媽媽知道爸爸被起底有乜反應？）佢都冇乜所謂。」