馬美域身教囡囡 畫出善心

時裝女王馬郭志清（Joyce Ma）的長女馬美域（Yvette）一向醉心畫畫及公益事務，身為藝術畫廊Galerie Huit其中一位股東的她，最近與本地藝術機構Studio 83創辦人之一的Charles Hui合辦以「True Beauty」為題的慈善畫展，展期將至8月31日，收益會撥捐予成長希望基金，幫助低階層的小朋友。

17歲Natalya勤做義工

展覽中除有Yvette17歲的孻女Natalya、Charles等多位藝術愛好者的畫作外，亦有一班受助小朋友的作品：「有好多小朋友屈埋好多嘢喺心，所以想透過畫畫、音樂等，帶出佢哋心入面嘅諗法同解決問題。」她又指囡囡Natalya全年一同參與藝術治療的慈善計劃，陪小朋友畫畫宣洩、回復正面情緒及作事後評估。

鍾情藝術創作的Yvette直言愛到不同的藝術館參觀，吸取畫畫新靈感，又率先闡述其作品：「我幅畫有兩隻雀仔，喺一棵有茂盛花卉嘅樹上有個雀巢同幾隻蛋，希望透過呢幅畫話畀大家知，好多香港嘅小朋友未必有一個完整嘅家，True Beauty係家庭及家庭畀小朋友嘅愛。」

Yvette與媽媽感情要好，繼承對方的教育方式。	Charles（右）透露畫展花了約半年時間籌備，過程尚算順利。	Natalya（左二）陪小朋友參與藝術治療，藉畫畫宣洩負面情緒。

Joyce Ma四圍飛遊世界

問到Yvette及囡囡均擁有強勁的藝術細胞，是否遺傳於媽媽Joyce Ma的審美觀？對此她謙稱：「我同佢（媽媽）仲差好遠，不過自細睇好多靚嘢，就算唔係天生，後天都會對美感有個標準。（自小身教囡囡做慈善？）唔係刻意培養，佢係自發性。（畀囡囡做畫家？）佢想做咩都得，因為家姐、哥哥都分別做咗醫生同會計師，呢個細嘅可以自由發揮，大家都做自己想做嘅嘢。」Yvette又自言不是怪獸家長：「媽媽自細都畀我哋隨意發揮，我同媽媽嘅教育方式大致相同。（媽媽榮休後近況如何？）非常之好，佢做咗一棵向日葵，跟住個太陽走，暑假時喺歐洲，聖誕時喺澳洲，享受人生，得閒去睇吓歌劇、演奏會，我哋（一家人）每年都會去陪佢。」

文：名人組