藝人歐錦棠昨日出席活動，已連續八年擔任活動大使的他說：「頭一年都唔知點解佢哋搵我，佢哋印咗我個樣落海報，之後放喺地盤，再問啲工友識唔識我，佢哋話識喎，真係多謝工友愛戴！」他透露下月與太太萬斯敏及歌手謝文雅合演音樂舞台劇，11月會與歌手鄧麗欣合演以空手道為背景的電影，事前更與對方進行訓練，大讚鄧麗欣說：「佢真係好捱得、好打得！（導演杜汶澤話想佢做女版張家輝！）肌肉嗰方面我唔敢保證。」
