蕭正楠冤冤相報 唔睇翠如咀

藝人蕭正楠（Edwin）、田蕊妮（阿田）、羅鈞滿及李璧琦等昨日為無綫新劇《巨輪II》舉行宣傳活動，一眾演員大派花生糖又玩扯大纜。Edwin表示新劇講求韌力，因有39集播足兩個月，有新角色加入故不擔心觀眾會沒有耐性。

提到女友黃翠如日前表示會跳過不看他與陳凱琳的親熱戲，Edwin笑謂：「佢畀馬國明（馬明）激親啫，因為馬明話睇完宣傳片覺得羨慕吖嘛，我夠羨慕佢買新樓啦！（同翠如一齊睇？）唔使啦，換轉佢拍我都唔想睇啦！」恩愛情侶互相呷醋，十分搞笑！

蕭正楠指女友黃翠如被馬國明激親，但亦不想睇她同別人咀嘴。	李璧琦打扮涼快。	羅鈞滿不想多提感情事。

阿田祝定欣繼續勁

阿田就說有朋友看完製作特輯已經感動流涕，可有信心憑角色再奪視后？阿田直言言之尚早。談到胡定欣今年走勢強勁，演出的劇集《一屋老友記》及《城寨英雄》都有好好收視，阿田說要恭喜定欣：「希望佢之後勁落去啦，最緊要觀眾鍾意！」而最近榮升媽咪的鍾嘉欣亦有參與《巨輪II》演出，阿田及Edwin雖未聽過嘉欣會返港宣傳，不過亦十分歡迎。

至於涉醉駕被判服務令的羅鈞滿，坦言目前未有新工作，亦表示要與無綫傾合作方式。對於有指他有富家女新歡，羅鈞滿未有否認，不過認為工作上未獲大家認同，故想將感情事低調處理，又否認早前被指搭上空姐美女。

文：影視組