黃榕身水身汗當街剝Bra

性感女星黃榕前晚相約好姊妹o靚模程芷渝及早前抗癌成功的歌手林千豔，齊齊前往大坑的籃球場打波，三女均以短褲上陣，大騷白滑長腿之餘又露小蠻腰，極為吸睛！成為全場焦點的三女，打波時姐手姐腳，球技可謂一般，期間更有男波友主動上前指點。

俯身晒線

Gloria等人打完波後明顯身水身汗，遂步往附近便利店購買飲品及雪糕，穿螢光運動Bra再穿上黑Bra打底的Gloria，還多次俯身揀選飲品，大晒三吋事業線。之後三女於街頭休息時，附近亦有小朋友在玩耍，Gloria當眾穿回鬆身白色背心後，再當街伸手入背心內除下螢光Bra，幸她有黑Bra打底未致走光。

打底托胸

事後Gloria接受電話訪問時說：「打完波個運動Bra濕晒咪除囉，當時運動Bra內仲有個Bra，因為如果淨係着運動Bra會凸點，又唔夠承托，所以我全程係唔會走光，加上平時拍嘢同登台，成日都當街換衫，訓練有素。」

文、攝：追蹤組

衫內狂摷 黃榕當街剝螢光運動Bra，幸有黑Bra打底冇走光。

成功剝甩

黃榕不經意俯身大晒三吋事業線！

黃榕企定望住程芷渝（左）與林千豔（右）傳波，打得hea咗啲喎！