陳慧琳晒祖莉腿：隻腳唔知放邊

陳慧琳大晒「祖莉腿」，笑言條裙太窄，隻腳唔知放邊。

最驚着超Deep V

今次Kelly為澳門站準備了多套靚衫，換上銀色露肩拖尾晚裝的她說：「係咪好靚呢？好貴㗎！貴到我都買唔起，係借番嚟㗎，真係着一次㗎咋，專登為澳門着㗎。」然後Kelly又換上黑色Deep V貼身jumpsuit唱出多首快歌，並問觀眾：「仲索唔索？係咪(著)咁多次都索呢？但其實我好驚呢件衫，又要(著)住跳舞，又咁低V低到呢度（肚臍位置），好危險，生完嘛！好彩未(著)爆。」最後Kelly穿上黑色斜膊貼身的超高衩長裙再度登場，大騷長腿。她笑言化身安祖蓮娜祖莉（Angelina Jolie）：「隻腳點都要放出嚟，其實都幾窄，隻腳都唔知放邊。」其後唱出《紀念日》為演唱會畫上圓滿句號。

Kelly受訪表示很開心首次來澳門開騷，故特別播出多年來跟歌迷合照的相片送給大家。她笑言：「睇番啲相我都差啲喊出嚟。」問到兩個囝囝可有前來睇騷？她直言家人有陪同到澳門，不過兩子沒有睇騷，只有陪她綵排。

穿上超Deep V歌衫的陳慧琳又型又性感。	陳慧琳與舞蹈員勁歌熱舞。	陳慧琳準備了多套靚衫在澳門開騷。