歐瑞偉真．勁揪：唔係咁享受！
今次《城》劇塑造角色確相當成功，「楊竹鑾」歐瑞偉的不死身更是網民熱話之一，與「龍成虎」伍允龍展生死戰雖曾被打到陷入牆內，但卻絲毫無損！前晚一集，胡定欣與袁偉豪紛紛攻其喉嚨、腋下甚至下體等要害，歐瑞偉依然刀槍不入，有網民笑言「唔通佢先係真正嘅鵰神？」及「勁過徐錦江」等，又指他若跟「宇宙最強」甄子丹對打肯定精彩！
對於被指「不死身」，歐瑞偉昨晚出席大結局聚餐時解釋：「今次係打得好漫畫式，好似胡定欣都打到好似飛出嚟咁，大家唔好當現實咁睇。」他又笑指擁「不死身」並不着數，因經常要捱打：「成日都要畀人打，唔係咁好享受咋！」並坦言劇集受歡迎，帶挈多了工作。
