刁蘭唔使死！與復明拳佬成眷屬
「刁蘭」胡定欣在早前公開《城寨英雄》的預告片中，攬着終極大佬「楊竹鑾」歐瑞偉跳樓同歸於盡，令觀眾非常擔心，想知她最後能否生還。昨晚播出的大結局中，墜樓後的「楊竹鑾」爬起身死唔去，「刁蘭」則受重傷一度昏迷，幸好及時甦醒。真正打死「楊竹鑾」則是「拳佬」與「牙佬」，「拳佬」憑感應識破「楊竹鑾」弱點在太陽穴，與「牙佬」合力擊敗對方！其後，「拳佬」與「刁蘭」終成眷屬，最後他更重見光明。
其實結局飯上，定欣已率先在播放前用唇語預告「我唔會死」：「總之呢套劇就Happy Ending！」有情人終成眷屬。問到劇集播畢會否不捨？她直言時間過得太快：「好唔捨得劇組同套劇，但點都要大結局嘅。」問到誰人請食飯，她即指伍允龍爭住請：「我一定拆掂佢，唔會畀佢咁做。」至於劇集會否開拍電影版，定欣透露仍等消息：「因為之後都要同監製、展鵬開新劇，都要睇吓個可能性。（係前傳？）都要重新嚟過，因為有啲角色已經死咗。」
