卓韻芝轉向出櫃婆婆搞鬼：佢冇棍o架！
感情生活多姿多采的藝人卓韻芝突然轉性取向，前晚在其棟篤笑高調宣布「出櫃」，她主動向相識多年的圈外女朋友示愛，阿芝婆婆則幽默搞鬼以「佢冇棍o架喎」來支持孫女的同志身份。
戀事多多的藝人卓韻芝，以往男友又法籍又德籍，又有金融界俊男，連Band友MJ（樂隊Mr.成員）都戀過。不過前晚她在旺角舉行的棟篤笑中突然自爆「出櫃」：「我最近拍拖喇，我拍拖嘅對象係個女仔。」阿芝坦言要思考怎樣跟婆婆講自己的同志身份：「有次幫婆婆摺衫，就同婆婆講嗰個女仔，其實係我拍拖嘅女朋友，婆婆即刻話：『吓？佢冇棍(o架)喎！』好多謝婆婆支持我，佢話呢個世界冇所謂，仲反問我係咪想同我講呢啲嘢先同我摺衫。」
笑婆婆正契弟
阿芝與婆婆感情非常好，她跟觀眾分享與婆婆相處的趣事，竟大膽鬧婆婆做「契弟」。她笑說：「有次婆婆咳到抖唔到氣，入院時醫生話婆婆血含量好低，第日我去醫院探婆婆，發現佢坐喺醫院出面執晒嘢話要走，跟住就離開醫院坐電車走。我返到屋企，佢喺度食奶皇包，我咪話：『你正契弟嚟(o架)！』」
承認雙性戀者
完騷後，阿芝坦承圈外女友有到場睇騷及在後台幫忙打點，她表示兩人相識很久，婆婆也認識她，故覺得毋須隱瞞。她又稱最近才拍拖，更是自己主動表白：「去到嗰啲位都驚驚哋，會怕醜囉，我咪問吓得唔得，博下囉。」問到對方是否一直是同志？她說：「唔好公布佢啲嘢，我突然有一刻覺得自己可能係鍾意佢，有少少後知後覺。（佢好大吸引力？）喺我心目中梗係好靚啦。」阿芝表示小時候試過暗戀女同學，但自嘲是「溝唔到女嘅雙性戀者」。
文：音樂組