鍾嘉欣誕獅子女鼻高嘴細至乖

無綫花旦鍾嘉欣去年突然嫁給前無綫主席梁乃鵬姪仔兼脊醫Jeremy，今年2月兩人在加拿大補擺喜酒，當時嘉欣已「孕味濃」，並以「中國傳統」為由，拒回應懷孕傳聞，但自爆老公想她生四個小朋友！其後她在加拿大安胎，到5月母親節，嘉欣終在微博承認有喜，據知當時她已懷孕逾5個月。到本月23日有傳嘉欣已榮升母親，但當事人未有出面回應，好姊妹也一律封嘴。

重7磅5安士

昨晨嘉欣終親爆喜訊，向大家宣布囡囡Kelly已出世，暱稱「乖乖」，重7磅5安士，並上載BB的正面全身照，只見睡着的Kelly超多頭髮，鼻高高嘴細細，嘉欣又以Kelly的身份向大家打招呼：「Hello！爸爸媽媽話大家一直都好關心我，我終於可以同大家正式打個招呼啦！我個名叫Kelly，或者大家可以叫我嘅暱稱『乖乖』，因為媽媽爸爸成日都話我好乖，我係獅子座猴B，7磅5安士，希望大家Welcome me to the world！」

剛剛出世的B女Kelly超多頭髮，鼻高嘴細，似足媽咪咁靚。

伍允龍

舊愛伍允龍送祝福

嘉欣好姊妹岑麗香昨到馬鞍山宣傳，講到嘉欣生B，她笑言：「我都係早大家幾分鐘發現佢真係生咗。（短訊Group恭喜咗佢？）係呀！見到小朋友嘅相，大家都話想咬佢隻腳，搣佢隻手。（飛過去陪嘉欣？）想呀！但要夾吓時間，都想同BB玩吓。（BB似爸爸定媽媽？）兩個都似，睇吓佢大啲點，想佢似媽媽咁靚女。」嘉欣舊愛伍允龍也送上祝福：「恭喜佢，祝福佢屋企人同BB，身體健康。」

文：影視組