劉佩玥爆元秋睇到喊

藝人劉佩玥（Moon）、袁偉豪及朱千雪等昨日錄影節目《你健康嗎？》。談到《城寨英雄》大結局劇情，Moon封嘴賣關子：「楊竹鑾會繼續做好多傷害我嘅事。」又大爆飾演「龍成虎」母親的元秋睇劇睇到爆喊：「我哋演員有個群組，秋姐睇番套劇時喺群組錄音留言都錄到喊。」並表示自己都睇到喊。談到不少網民希望她和伍允龍在劇中白頭到老，問會否考慮於戲外滿足粉絲？她笑言感情隨緣。至於飾演「牙佬」的袁偉豪被問到劇中會否身亡？他搞笑向粉絲派定心丸：「唔使死，死咗仲有下次嘅？（有續集？）只係要重新塑造下一個角色。」