「舞台王者」郭富城前晚在紅館舉行「郭富城舞林密碼世界巡迴演唱會2016香港站」第六場，吸引譚詠麟、廖碧兒、吳業坤、陳慧嫻及黎燕珊等眾星捧場，完騷後更到後台探班合照。坤坤於社交網先後上載兩張與城城的合照，其中一張鬆郁矇，明顯未有對焦，他寫道：「之前拍寒戰拍咗三天都唔敢搵佢影相，今日終於影到！VERY GOOD SHOW！」看來想表達集郵時緊張到手震的心情，幸最後也拍到一張清晰合照，他事後接受電話訪問時笑說：「面對一個咁尊敬嘅前輩，緊張係在所難免。後台好墟冚，好多藝人排等影相，11點9完騷，我12點3先離開後台，後面仲有好多人排隊，城城非常好，個個都影，來者不拒，用最親切嘅笑容。」他又讚城城是個好榜樣，很值得學習：「睇得好開心，氣氛好好，佢好犀利，我只係做一場都體力透支，佢做咁多場，仲要不斷唱歌跳舞，記好多舞步，舞台效果係perfect，值得去學習，學到好多嘢。」