楊曉穎天橋搖曳性感冇底線
任職模特兒近4年的楊曉穎，笑言工作令自己身經百戰，早已無懼以比堅尼上陣面對鏡頭，還揚言沒有為自己設下性感底線，只要攝影效果佳及整件事對她有優勢，即使要露點都OK！
名模陳嘉容師妹楊曉穎（Sharon）身穿性感惹火Bikini閃放美好身段，為炎炎夏日增添一絲清爽涼快感。她表示很喜歡跟陽光玩遊戲，故曬得一身古銅膚色，笑言曬黑令人看來較纖瘦。Sharon有多次到世界各地選美的經驗：「我選過中國環球小姐，上年又代表香港去波蘭參選跨國小姐，今年都會去拉斯維加斯參加國際萬國小姐。（點解唔選香港小姐？）冇諗過，因為我個人比較高大，個樣又鬼鬼哋，所以覺得唔係好啱選港姐。」
慶幸家人支持
Sharon現在仍是修讀市場管理學的大學生，日後或有機會需要幫忙打理家族火鍋生意，但家人十分支持她入行：「佢哋好支持我去做自己想做嘅嘢，好似我去選美咁，我喺舞台上先搵到會發光嘅自己。」
Sharon對自己的身段十分滿意，在鏡頭前毫不吝嗇，更揚言性感冇底線，她說：「性感底線冇乜所謂，模特兒行騷係要去襯托設計師嘅衫。（咁露點得唔得？）露點都OK，我接受到，我個人比較外國思想，身邊外國朋友又多，個個都冇咁傳統。（屋企人唔會鬧？）如果影出嚟效果靚，對我係有優勢，佢哋係會支持我，佢哋好open（思想開放），我哋相處好似朋友咁，唔會有傳統嘅喺我哋關係入面，但我對佢哋會比對朋友多一份尊重。」
PROFILE
姓名：楊曉穎
生日：1991年3月4日
三圍：34.5、25、35.5
身高：1米78
體重：59kg
文：名人組