趙勁皓操肌出賽極限挑戰
近年擔任健身教練的趙勁皓（King），將會為下月舉行的「瑞士天梭表衝破極限挑戰賽Limitless Challenge 2016」擔任星級教練，除拍片教大家事前訓練準備外，更會落場參加比賽。近年積極參加健美比賽的King，雖然首次參選落敗，不過屢敗屢戰，望可贏得一席位！
藝人趙勁皓（King）近年轉型擔任健身教練，練得一身Fit爆身材的他，將會為下月舉行的「瑞士天梭表衝破極限挑戰賽Limitless Challenge 2016」擔任星級教練，除教大家事前比賽準備外，更會親身落場參加比賽，他說：「我會喺自己嘅社交平台Post一啲點去預備呢個比賽嘅動作訓練。呢個比賽，對於手握力同腳部及腿部等要求好大，我會教大家針對呢幾項肌肉嘅訓練，等大家可以預備。」
飲食規律Keep住身形
有份落場參加比賽的King，現時積極備戰，不過卻將勝負拋開，只享受比賽過程，他說：「其實都有兩個唔同嘅比賽，一個係極限挑戰，一個就係Challenge，講緊係接近5公里咁多，所以都做多啲帶氧運動，好似跑步、游水同踩單車。（飲食方面？）我本身都好規律，因為都想Keep住自己個身形，所以都唔需要太過更改自己嘅飲食習慣。（預期自己有咩成績？）今次呢個比賽，我打算全個健身房嘅員工同朋友參加，所以未必諗住去攞獎，想成班朋友一齊去玩，以完成所有Challenge為目標。」
捲土重來參加健美賽
早前參加健美比賽的他，透露最終雖然三甲不入，卻贏得經驗，他說：「我入到決賽嘅，不過只係得第6名。因為都係我第一次參加健美比賽，喺台上面擺Pose、眼神呀，都做得唔夠好。9月30日我會再參加本地健美比賽，我之前嗰個係全國嘅，希望有一次經驗，會喺台上面表現好啲。」
場地：King's Fitness
文：專案組
攝：劉智源