惠英紅跳出框框酒廊開金口
影星惠英紅為英皇電影《幸運是我》首次開金口，以酒廊歌手造型獻唱經典金曲《我找到自己》，她說：「我覺得自己唱歌唔好聽嘛！但演技嘅追求係無止境，有時都唔想畀框框自己。今次導演話好想我唱歌，就借住呢個機會挑戰吓。拍攝前好小心保護自己聲帶，講嘢都特別陰聲細氣，又搵咗一位歌唱老師上咗10堂，希望唔會獻醜啦！」
此外，她日前與《幸》片拍檔陳家樂接受專訪，二人在電影中分別飾演認知障礙症患者及照顧者。惠英紅母親亦罹患同樣病症，她直認為贖罪而接拍此戲：「雖然我依家好錫媽咪，但依然對之前做嘅嘢好後悔。」曾嫌母親「麻煩」、「長氣」的她，起初不清楚這是病徵：「到發現佢病時已經去到中期，如果早啲知，情況唔會去到咁差。」
談及與家樂在戲中火花四濺，她認為對方已開竅：「之前佢只係一個交齊功課嘅學生，但演員唔係要咁。」而家樂亦感謝前輩肯鬧他，更笑指鬧得抵，故很想拜對方為師：「好鍾意黐住佢！」豈料惠英紅即笑說：「你搵黃秋生啦！」場面搞笑！
場地：如心南灣海景酒店
陳家樂服裝：fcuk