收益捐助學生譚嘉荃出碟冇錢袋
歌手譚嘉荃推出首張個人專輯，穿上白色低胸長裙在將軍澳一個瀑布拍攝，濕到透若隱若現，她笑說：「我有着泳衣同肉色Tube Bra打底，唔擔心走光。」瀑布景是為配合其主打歌《如水》，她認為水可比喻人生，既有溫柔一面，也有如海嘯般兇猛的一面：「水嘅適應力好強，可以流入任何罅隙，人生都要學懂適應生活。」
當年以女子組合B2出身的譚嘉荃，一度放棄做歌手轉行，最終都離不開娛樂圈，但心態已有轉變，不再強求，享受在舞台上唱歌。不過，她坦言現時樂壇巿道差，難以單靠唱歌維生：「除非屋企有番咁上下，出到碟都唔代表咩，對銷量更加唔會有咩期望，因為賣碟係袋唔到錢，既然係咁，我寧願做啲有意思嘅嘢，會將專輯全部收益捐畀有需要同有理想嘅學生，目標係籌30萬。」
