葉德嫻倫永亮唱出紅白藍回憶

三位重量級音樂人葉德嫻（Deanie姐）、倫永亮（Anthony）及趙增熹首度聯手，下月在會展舉行音樂會。擔任音樂總監的趙增熹表示，很久以前已想跟兩位合作，但一直不敢邀請Deanie姐，笑言直接被拒絕的感覺非常難堪，所以想找Anthony幫手，不過最後都膽粗粗親自致電，想不到Deanie姐在電話中一口答應。

戲言唔着衫

趙增熹透露為音樂會籌備已久，幸好今年找到合適場地，並與香港管弦樂團合作：「我好相信緣分，覺得樣樣加埋好似都配合得好好，我諗呢次合作起碼Deanie姐會覺得好玩。」問到屆時會否開金口，Deanie姐即搶答：「吓！佢唔唱？佢咩都要做呀！」至於為何以紅白藍為主題，趙增熹表示在香港大家都想起紅白藍袋，同時亦代表着對香港的情意及大家的共同回憶。

至於Deanie姐則透露已故巨星米高積遜（Michael Jackson）的一席話「This is it」令她獲益良多，希望今次演出能顧及觀眾的口味：「唔係你鍾意唱咩、唱得有幾好，觀眾就會接受，要唱大家都識嘅歌，去整件新衫扮靚，咁佢哋就會欣賞，覺得你有盡力。」問到歌衫是否特別訂製，她風趣地說：「我唔着o架！我唔鍾意着衫o架！」

葉德嫻希望打造一個啱觀眾口味的演出，與眾同樂。

趙增熹（右）夢想成真，與倫永亮及葉德嫻合作開騷，唱出共同回憶。

籲新人咪心急

此外，談到不少新一輩歌手出道不久已急於開演唱會，倫永亮坦言現時宣傳渠道較以前少，變相會令歌手心急，他認為當歌手要累積經驗，若未準備好，就要冒被觀眾「懲罰」的危機：「歌手唔係單單一年或兩年就成功，要有個寬闊嘅眼光去觀察，如果我係新歌手，會累積多啲歌先，有心唔怕遲。」

倫永亮及趙增熹

髮型：Angel Yip

化妝：Eden Yip@Il Colpo

葉德嫻

髮型：Seiko Sin@Hip Hair Culture

化妝：Stephan Lau@Stephenmakeup

場地： Intercontinental Hong Kong

文：音樂組

攝：司徒國榮