玄學星相：王宗堯嗒女手起刀落
最近娛樂圈多了兩對新情侶，首先有男神王宗堯先與黎紀君（Christy）甩拖再火速戀上蔡潔，再有藝人何佩瑜（Jeana）在網上放閃叫導演翁子光做「小寶寶」公開戀情。今集《東網巨星》娛樂節目《玄學星相》，邀得堪輿學家陳子才，以玄學角度分析這兩對情侶到底有幾夾。
男神王宗堯數月前與一向愛得高調的模特兒女友黎紀君（Christy）突然宣布「分」訊，再火速搵到第二春蔡潔，男神威力果然沒法擋！最新一集《東網巨星》娛樂節目《玄學星相》，邀得堪輿學家陳子才，先以玄學角度剖析王宗堯的情路。對於男神迅速換畫，陳子才說：「王宗堯個相，眉粗眉濃，眼有神，鼻係長同算係大，代表男子氣概好重，做事斬釘截鐵，再加上佢命格桃花旺，異性緣強，加上佢有三粒『陽刃星』，即係代表手起刀落，代表決絕，決定得好快，等於呢個拍完拖，冇喇，就好快搵過第二個，又開始。」
好勝Jeana唔鍾意收埋
至於單身三年的性感女神何佩瑜（Jeana）突然宣布戀上導演翁子光，難道Jeana不愛型男愛才子？陳子才說：「佢嘅夫妻宮入面帶三粒星，其中一粒叫『七殺』，代表好勝心強，自我要求好高，亦都係對另外一半要求好高，所以你頭先問得對。第二點，『傷官星』，『傷官星』直接係代表才華嘅星，仲要嗰種才華係要外露嘅，唔可以收埋嘅，你收埋佢唔鍾意，你要有才華又發揮到出嚟，畀人認定咗，佢又特別鍾意嘅！」想知兩人幾時拉埋天窗？想繼續聽師傅點講？就要Click入《東網巨星》的「視娛樂」，睇《玄學星相》喇！
【http://goo.gl/vIIKp3】
文：專案組