馬國明升呢業主唔靠做鴨
藝人馬國明、黃智雯及劉佩玥等昨日為無綫新劇《降魔的》試造型，榮升業主的馬明透露待新居裝修好後，會於年底入伙，舊居則準備放租，問新居是否一炮過購入？他語出驚人：「要供o架，做鴨咩！做鴨都冇搵咁多啦！」透露已和無綫續約的他又否認曾追求王君馨。
「鑽石級筍盤」要求高
提到今次拍靈異題材劇集，黃智雯笑言若害怕便抱實馬明，又勁讚榮升業主的馬明是「鑽石級筍盤」，不過他要求太高，故未有打算為他介紹女友，至於可會撮合好姊妹胡定欣與馬明重修舊好？她說：「唔會啦，失敗又怕尷尬，順其自然啦！」談到無綫將與內地網站合作拍攝經典劇集《創世紀》續集，她表示若有機會亦想參與，令內地觀眾認識她。
劉佩玥強調「好朋友」
至於劇接劇的劉佩玥則否認賺很多，只望每次拍劇都有進步，談到帶埋緋聞男友伍允龍出席姊妹聚會，她說：「嗰日有20、30人，有啲唔係圈中人，所以冇擺合照。（關係進步？）係不避嫌啫，我哋係好朋友！」