影后林嘉欣抓撈打雜都願！

藝人林嘉欣、鄭伊健和飛利浦電子香港有限公司集團總經理黃澤新，昨日在九龍塘出席《飛利浦健康科技展覽》揭幕儀式。與伊健老友鬼鬼的嘉欣大爆對方計劃執導演筒，貴為影后的她更膽粗粗即場抓撈：「佢開戲我做打雜都願！因為我未必係佢心目中嘅女主角！」豈料伊健說：「因為佢拍開啲Serious 嘅戲！」嘉欣即反擊：「你拍開啲騎呢？」令伊健難以招架，只好笑說：「我嗰啲係輕鬆啲！」

孖住上綜藝節目

之後伊健提起去年底兩人為草蜢拍MV時的趣事，笑言雙方不停笑搞到瘋狂NG：「因為佢結婚之後就唔准錫！」嘉欣亦直認每次同場都想喪窒伊健，伊健即建議一齊拍綜藝節目，必定甚有效果！

伊健透露由錢嘉樂執導的新動作片將於聖誕期間開拍，並指投資大且要求嚴格，故劇本一改再改。嘉欣則透露囡囡快將開學，加上下月請了日本書法家來港開展覽，11月亦會推出兒童書系列，所以非常忙碌。

鄭伊健	嘉欣和伊健獲贈不少電器。	周子駒

周子駒遭冒認騙財

另外，活動主持周子駒透露有人利用其照片開Facebook戶口，令他人受騙招致金錢損失，他表示起初不太相信，直至收到報稱受害的台灣女網友傳送的假戶口截圖才相信：「佢話畀人呃咗5,000美金（約3.9萬港元），仲話唔止佢一個！」他指該女網友稱已在台灣報警，下月初亦會來港報案，而周子駒亦打算於日內向警方備案。

文：影視組