黃芷晴Catwalk靈感源於經驗

星二代湯鎮業大女湯愛嘉（Isabella）、一對孖仔湯君慈和湯君耀，以及黃日華女兒黃芷晴昨日出席《瑞士MIDO＃靈感源於建築世界巡迴活動》揭幕禮。黃日華和湯鎮業是當年無綫第一代「五虎」，今日「五虎」的星二代同場行騷，其中首次登場的23歲Isabella青春甜美，相當觸目！令平日密實、有不少出騷經驗的26歲芷晴以噴血Deep V上陣，成功搶鏡！

孖仔行騷增自信

首次行騷的Isabella滿意酬勞，她透露行騷時十分緊張，幸好有孖仔細佬陪伴，令她較為安心。剛畢業的她幕前幕後都想試，問到會否入娛樂圈？她說：「未決定。（爸爸支持你？）冇要求，冇管制，我做乜都支持。（搵佢搭路？）我需要，佢都會幫。」問月底慶祝生日會否預埋爸爸？她透露爸爸相當忙碌，自美國回港後仍未見過他。而孖仔對於在活動上行騷亦感到怕醜：「Daddy叫我哋出多啲大場面，講多啲嘢，對自己有自信。」又預告會送錶給家姐，Isabella即冧爆稱送甚麼都喜歡。

廖碧兒（左起）、瑞士MIDO表香港區副總裁吳國森、全球總裁Mr. Franz Linder、The Swatch Group（HK）Ltd.董事總經理盧克勤和梁祖堯合照留影。	湯愛嘉笑言無論做乜，爸爸湯鎮業都會全力支持！	有湯君耀（左）和湯君慈兩個細佬陪行騷，湯愛嘉零舍淡定！

請黃日華去旅行

至於芷晴則表示兒時曾與Isabella食飯，Isabella透露當時約13歲，對於大家都是星二代，會否怕比較？芷晴說：「我仲驚啦！佢哋三姊弟，我一個。」Isabella說：「自己有自己嘅優勢，唔會比較，星二代每個都有長處。」芷晴透露爸爸9月初生日，除了送手錶外，亦會請父母到韓國旅行。

文：名人組