Britney 6呎浪捲海底險死！

天后Britney Spears早前頻頻上載在夏威夷享受陽光與海灘的索相，原來歎世界背後差啲連命都冇！她受訪時憶述當日遇到6呎巨浪，原本還很興奮，以為自己身處人造浪泳池咁正：「點知個浪打埋嚟咁猛料，我被捲到水底成5分鐘，幾乎浸親咁滯，我喺度諗我班保安去咗邊？佢哋冇做任何嘢，就咁由我死喺度。之後我好搏命游番上水，另一個巨浪又再打埋嚟。」此外，問到如果可以畀忠告給年輕的自己會講甚麼，她即說：「第一係千祈唔好結婚，呢個係最好嘅忠告！」Britney還為英國名嘴James Corden的節目擔任嘉賓，齊齊遊車河唱歌，她直言唔怕囝囝欣賞她的性感演出。