李妮出盡洪荒之力 籌千萬「畢業」

博愛醫院主席李妮、歌手方力申、可嵐、謝雪心等，前晚出席「博愛月全港慈善籌款」開幕禮。身為主席的李妮坦言希望籌得千萬：「目標籌到一千萬，八月至下年三月，我會出全力同洪荒之力。我喺博愛9年，今屆籌到就圓滿，可以畢業，一諗起一年任期就唔捨得。」她更直言不敢想「忙」字，因一日有五個會要開，對自己最低要求就是保持身體健康，更感激老公長期默默在背後支持。

方力申搵同事做媒人

首年任慈善大使的方力申，透露每逢中秋節都會參與派月餅給老人家的活動。提到人月兩團圓，他就自嘲今年要過「單圓」中秋：「咁我過『單圓』，可以同屋企人或朋友過。」操到勁fit的他更透露日前三個男人去石澳曬太陽，被朋友取笑操到咁fit都冇用，因為連自己都唔睇。單身的他更叫同事介紹女友，但被拒絕：「等緣分，守株待兔，我有叫同事介紹，但佢哋話唔可以咁快，我唔係餓狼，要由朋友做起。（覺得你信唔過？）唔係。」提到有傳前女友鄧麗欣因避他而轉公司？他叫記者問對方，至於是否想同公司？他表示冇所謂，一切看緣分。

第一年任慈善大使的方力申，自嘲今年中秋「單圓」過節。	謝雪心表示任慈善大使已有多年。	可嵐因整傷手而未能參加巴西柔術比賽。

謝雪心與馬明同床瞓

至於可嵐則透露學了年半巴西柔術，但因整傷手而未能比賽，反而兒子學了兩年，比她更叻。此外，謝雪心指馬國明在新劇演其兒子，更與他在總統套房同床：「我瞓醒嗰陣拎遙控一撳就係成人台，我即刻掟遙控畀阿仔（馬明），佢話阿媽唔使咁驚，只係一啲片段，嚇得我。」

文：名人組