Eason撐Sam歌點唱《浪子心聲》

歌神許冠傑（Sam）將於10月27至29日假紅館舉行《許冠傑演唱會2016》，事前呼籲歌迷與藝人投票選出心水「Sam歌」，連日來獲不少紅星拍片呼應，陳奕迅（Eason）亦力撐阿Sam：「恭喜阿Sam！太多歌好聽，太多歌想聽，投兩首得唔得？細個好鍾意《天才與白痴》，係廣東流行曲Rap嘅始祖；大個就鍾意《浪子心聲》，好恨聽到呢首，或者《天才與白痴》都得！」兩代「歌神」惺惺相惜。

歌神再開騷，群星畀面點歌聽！

歌神再榮升爺爺

Sam昨日為個唱舉行記者會，獲「助選團」主席林建名、兩子許懷欣與許懷谷、何傲兒及許冠文兒子許思維等撐場。台上講到懷谷太太Ida都愛音樂，屆時可會撐場？Sam即場公布喜訊指將再度榮升爺爺：「佢唔會嚟啦！因為佢有喜，所以唔會出現，佢係佗仔。」期間，大會播出一眾藝人支持Sam的短片，包括劉青雲、古天樂與黃子華，又準備蛋糕為將生日的林建名與Sam提早慶祝。