柯嘉琪誓圓博士夢
碩士藝人柯嘉琪放棄教書闖星途，一心行屬於自己的路，還希望30歲前讀完博士，證明自己有樣有學識：「條路係自己，唔使同人比較，自己活得快樂。」
擁有33D上圍的柯嘉琪（Kiko）曾參選中國小姐大賽，去年於浸會大學傳理系碩士畢業，難怪被不少人問過為何仍入行：「有人話你選擇喺呢個圈，點解仲要讀咁多書！我覺得兩方面係冇衝突，做人未必為工作而去讀，增進自己見識。」為了豐富人生，Kiko透露有意繼續進修：「停唔到落嚟！唔係知識上增長，係智慧！想再讀上去博士，希望30歲前讀完，我個人係成日想周圍去，鍾意去大自然夠Free，以前大學讀教育，但實習後覺得自己唔適合。」提到感情，她自爆有固定男友，希望30歲前結婚。
十年後再影寫真
Kiko去年曾推出藝術寫真，但今年拒絕再戰，現年27歲的她反而想十年後再出留倩影：「可以記錄唔同年紀，希望Keep到羅霖咁就好。（今次係最後一次性感？）健康嘅性感OK，玩水上活動都係着泳衣，我會係骨子裏性感。」但她表明暫時無意拍全裸電影，因為超出自己的性感底線。
除了擁有碩士學歷外，Kiko亦熱愛運動上山下海，跳傘、潛水統統試過，還擁有高級潛水牌，最難忘是在香港果洲群島遇上鯨鯊：「其實最想去同海豚游水，下個目標係去沖繩。」
Profile
柯嘉琪（27歲）
三圍：33D、24、34
身高：1米71
Link： http://goo.gl/sHfHEF
文：名人組
攝：劉智源