蕭正楠田蕊妮患難見親情

「倀雞英」田蕊妮與「羅威信」蕭正楠在新劇《巨輪II》中再續前緣,面對吳岱融、陳凱琳以及楊明等人帶來的衝擊,再加上失去拍檔阮兆祥的支持,縱使二人的角色各有成長,但面對一切無法避免的威脅,更令劇迷感受到時代洪流的無情。

由視后田蕊妮、蕭正楠(Edwin)、陳凱琳及阮兆祥等主演的時代劇《巨輪II》將於下周一(29日)晚上八時三十分首播,新劇以原班人馬延續上集劇情,並以新角色帶來衝擊。Edwin與阿田在時代巨變下,苦心經營的「羅信記」取得成功,但面對難以抵擋的黑金風暴,堅拒屈服的Edwin掙扎於以同樣手段進行反擊。而個性倔強的「倀雞英」阿田亦因頓失至親而感迷失,令二人漸漸淡忘初衷。

困境浪接浪

阿田與Edwin上集飾演一對從80年代起合作多年的拍檔,二人更一度有機會發展成親密情侶,最後故事以阿田嫁予祥仔告終,在續集中二人關係將更密不可分,問到會否再有機會發展?監製王心慰表示:「威信同倀雞英唔係單方面付出嘅朋友,佢哋由拍檔成為手足,今次遇上更多困境,感情會再昇華,佢哋感情就好似家人,可以話係近年最滿意嘅一對角色,係好有Fantasy嘅一對。」

喪親大打擊

經歷時間與環境的洗禮,阿田的角色有不少改變,她透露:「今次感覺係一位已婚嘅事業女性,性格上嘅稜角被事業同家庭磨滑咗,唔再係衝動行事,反而有好多嘅無奈。今次文英遇到嘅最大打擊係面對至親離開,嗰幕好難忘,自己睇劇本都已經接受唔到,唔敢睇落去。」相比之下,Edwin個性依然單純,但面對各種卑鄙手段、背叛與愛情,令Edwin質疑自己的信念。談到與Edwin再拍檔,阿田笑言:「一埋位就變咗倀雞英同阿信,經過上次嘅相處同經歷,大家好有默契,戲內外都好似親人咁。」

文:影視組