孫慧雪轉口風認拍拖

上月自稱單身的孫慧雪，改口風認有男友。

阿雪上月被指去年底與拍拖4年的圈外男友Edwin Lo假分手扮單身，當時她聲稱：「單身咗半年，我冇講大話！」昨日她突然轉口風，承認有男友：「我平時鍾意煮吓三餸一湯，最拿手蒸魚、中菜同煲湯。（煮畀男友食？）唔只，仲有公司同事，但最近拍劇忙，少咗煮。（依家感情狀況係點？）有男友，但我想大家專注番我嘅工作。（男友係Edwin定楊先生？）係Edwin，楊先生從來唔係男友。本來唔想公開講，因為男友係圈外人，但發覺愈唔講，大家就愈想知。（同Edwin實際拍咗幾耐拖？）哎呀！講番我啦！我今朝拍劇之後趕嚟，陣間又去荃灣做嘢。（男友投訴冇時間拍拖？）冇，佢投訴被人偷影，出街叫我離遠啲佢。」

• 孫慧雪炮製的三文魚壽司，大受街坊歡迎。