舊公司解決錢銀問題李蕙敏回復自由身
歌手李蕙敏（Amanda）與丁悅都曾經是同一公司的合約歌手，據知兩人已離開公司。盛傳舊公司與旗下歌手藝人有錢銀瓜葛，Amanda昨日接受電話訪問，問到與舊公司是否有金錢糾紛？她說：「係啦！不過Settle（解決）咗，無謂多講。」又透露與舊公司已完約：「雙方同意，喺和平氣氛下完約。」她目前是自由身，歌曲宣傳及發行方面暫由Neway負責。
問到解決過程是否拖拉了很久？她說：「都唔係長時間，我算OK。（知唔知其他人有冇咁嘅情況？）其他人唔知，因為合約嘅嘢個個唔同，係私隱。原則上合約嘅嘢我會堅持，最後公司都履行咗我哋嘅合約協定，所以我冇問題。」
丁悅「轉會」繼續唱
另一邊廂，丁悅亦被追問與舊公司的合約問題，她說：「我就嚟轉公司。（你約滿咗？）可以咁講。（同公司有冇錢銀問題？）冇喎！大家合作咗兩年都好開心，冇咩特別唔愉快嘅事。」她表示已簽新公司，惟暫時未能透露。至於曾是舊公司主理人的Apple，原來早於4月已離開公司，她指與公司的理念及方向不一，決定分開發展，並在旺角開設新公司。
文：音樂組