藝人莊思明與「恒生新抱」何倍倩昨日出席名車活動，問到楊明的腳傷情況，思明透露已好得七七八八，只是做完劇烈運動會有少少隱隱作痛。思明表示將到馬來西亞拍攝電影做打女：「依家開始搵師傅練習。（有冇興趣做《G-1格鬥會》？）畀錢咪OK，我會保護塊臉同個頭，其他地方隨便打。」她又想與男友合作拍戲，但無意飾演情侶：「我想各自有感情線！（睇到眼火爆？）我諗我唔會。（有親熱鏡頭會問過男友？）我會同佢講，但佢冇得唔OK，佢要拍親熱戲都會同我講，我都冇得唔OK。」
