(5)蘇韻姿 親友拉票排第二

《東網巨星》推出的《港姐任你Like2016》經已接受投票，前日排頭位的是(10)單文柔，第二、三分別是(5)蘇韻姿與(3)張寶兒。單文柔昨日得知賽果後勁開心，坦言感意外：「估唔到！都有叫親戚朋友投票。（增加信心？）當然會啦！遲啲喺社交網多啲宣傳，等大家投我票。」蘇韻姿亦笑言意想不到排第二：「可能啲親戚朋友幫我發功拉票，覺得好幸福！最緊要唔好令屋企人失望！佢哋都有鼓勵我，仲叫我唔好食咁多嘢！」至於「人氣王」(6)馮盈盈暫時得「梗頸四」，問到會否感意外？她說：「唔會！可能最近太忙，遲咗叫啲親友投票，等有時間一定廣發叫佢哋支持我。」截至昨晚，單文柔與蘇韻姿分別穩守第一、二位，第三位則是馮盈盈。