馮盈盈打得太囧血染鼓棍

【陳永峯日本直擊】候選港姐還有一日便完成日本外景拍攝，一班佳麗昨日抵達日本「八女市」分途拍攝，當中(2)劉穎鏇、(3)張寶兒、馮盈盈與單文柔學習日本傳統太鼓，其後更要到當地神社即席表演，雖然贏得市民掌聲，但馮盈盈竟打到出血！

手掌虎口位擦損

打鼓時，馮盈盈打得相當出力，除了現囧樣外，可能因太肉緊而一度打到「虎口位」見紅，連鼓棍亦有血染的風采！她受訪時坦言不好意思：「其實自己尚有進步空間，但都感滿意！現場觀眾畀唔少掌聲，都係一個肯定。（隻手整傷咗？）係呀！虎口擦損咗，真係唔好意思，搞到鼓棍都染血，唔知點還畀人。（頭先打鼓現囧樣？）因為要對住鏡頭，又要打鼓又怕甩Beat，緊張過頭啦！」

馮盈盈打太鼓時勁緊張，除了現「囧」樣外，還打到擦損手！	單文柔打鼓又甩Beat、講日文又甩漏，名副其實係「Miss甩」。	劉穎鏇（右）與張寶兒打得頭頭是道，觀眾拍爛手掌。

相反，打得最差勁的可算是單文柔，節奏感差甩晒Beat，其後拍攝以幾句簡單日本語自我介紹，錄了多次才成功，可謂勁甩漏！事後，與劉穎鏇齊齊受訪的單文柔坦言向來節奏感欠奉，直認跟不到Beat，以前雖然學過小提琴但最終也放棄。說到打鼓、講日語及打排球「冇瓣掂」，可有甚麼教劉穎鏇？她笑言可教對方中文及普通話。

劉穎鏇大汗疊細汗

至於張寶兒是打得最好的一個，因有音樂底子故很快上手。她透露曾學鋼琴，媽咪亦喜歡在家唱歌，故有時全家會一齊打拍子。而身材出眾的劉穎鏇打到香汗淋漓，但依然拚勁十足，她表示練習時因揸鼓棍太肉緊，搞到手部甩皮。

另外，(5)蘇韻姿昨日隨隊學習茶道，笑言自己流着加拿大的血，故不習慣太熱的天氣：「唔係好夠瞓，最辛苦都係適應拍攝。（有冇瘦到？）咁又冇，但夜晚都有約其他女仔做Sit Up，等腰部線條靚啲。」

文：影視組