吳鎮宇拍大場面搵途人做臨記
吳鎮宇大前晚於旺角拍攝自導自演的新片，遇上狂徒從高空掟鐵枝、水樽騷擾。事隔一日鎮宇繼續開工，兒子費曼（Feynman）亦有到場試戲。
囝囝有大將之風
前晚鎮宇「趴地」演出，囝囝則在旁用手輕拍父親。面對群眾圍觀，費曼從容自如，甚有大將之風。拍攝前，鎮宇開咪「邀請」過百途人幫手，叫大家聽到嗌cut機後就跟臨時演員一擁而上，造成一個熱鬧場面。他笑說：「大家幫幫手，一個shot，多謝支持香港電影！」結果一呼百應，一take拍完這個場面。期間張達明及谷德昭前來探班，達明笑稱：「路過咋，見有明星拍戲咪嚟睇吓囉。（咁老友？）鎮宇拍戲喎，唔收錢都要拍啦。」
鎮宇昨日接受電話訪問，指費曼前晚是試拍尾場場口，看他能否合格拍電影。提到大前晚曾發生騷擾事件，會否令他擔心兒子安全？他稱有很多工作人員照顧費曼，故沒有任何擔心。
