張繼聰唔敢鬥肌
歷盡艱辛操爆肌的張繼聰，今日以健康食品代言人身份出席「阿諾國際體育節」，更會與阿諾舒華辛力加同台現身，阿聰昨日在電話中說：「好期待，我睇過好多阿諾嘅電影。（你係咪着少啲衫騷肌？）一個好健康活動，梗係會着番斯文啲，着番合作公司嘅tee。」
自知無法與阿諾身形鬥，阿聰說：「個size梗係冇得比，聽日有好多專門比賽，我哋叫師兄做大隻佬，人哋嗰啲先叫大隻佬！今晚我會早啲瞓，聽朝盡吓人事做幾下掌上壓。」問他第一句會跟阿諾說甚麼？阿聰笑說：「講Hello！梗係緊張，英文去到呢個時候通常會kick住，都係盡量講Hello！Welcome to Hong Kong咁囉。」