鄧麗欣撐中國女排奪金
熱愛排球的鄧麗欣（Stephy）擁有自己的排球隊Loey，昨日中國女排激戰荷蘭隊，Stephy特別校定鬧鐘起身睇波：「我一向支持中國女排，中國女排入咗奧運八強已經好勁咁贏咗巴西，巴西係連霸嚟，贏咗都戥佢哋開心，但見到巴西喊都好傷心。今日中、荷兩邊都打得好好，實力好近，我睇到心臟病咁滯，局局都係啲分數好接近，最後贏咗我大叫出嚟咁滯，好開心！」
Stephy很喜歡中國女排的朱婷，覺得她是英雄：「每場比賽佢個人最少攞廿幾分，我睇見都戥佢攰，佢好犀利，得21歲，又高，眼睛好有火，好鍾意佢。」女排決賽Stephy會繼續捧中國：「大家都話入決賽嘅塞爾維亞係黑馬，佢哋都打得好好，我當然希望中國攞冠軍，又想有場精彩決賽可以睇。」
昨早的「中荷大戰」連佗B五個月的藝人陳敏之都有觀賞，還在微博大讚精彩，期待決賽取勝！而歌手李克勤亦在Instagram支持國家隊。