Donald多得少爺占撲去買廁紙

組合艾粒（I Love You Boyz）成員少爺占和Donald在ViuTV節目《對不起 標籤你》任主持，以遊戲方式探討社會上被標籤的一群。提到節目中，主持和嘉賓都要在四個參選者中挑選一個真正被社會標籤的人，問哪一類人最難估？少爺占指估男同性戀者最難：「全部都Cam Cam哋，個樣好Gay！」Donald則指對「富二代」結果最Surprise：「嗰四個都好踏實，唔大使，其實我哋都唔係好了解呢類人。」問到曾否標籤過對方，Donald笑指廿年前以為少爺占是「飛仔」：「頭髮好長又戴黑超，着爛牛仔褲，後尾有日去廁所冇廁紙，嗌救命，佢又真係跑去買廁紙先知佢唔係飛仔！」少爺占則笑指曾以為Donald是變性人：「佢啲骨架真係唔似男仔！」

提議踢走拍檔

提到早前Donald無辜遇襲慘被扑穿頭，少爺占竟笑言大快人心：「佢淨係穿頭同斷手咋嘛，不幸之中嘅巨幸。（佢有冇畀人扑傻咗？）佢不嬲都Short Short哋！」而Donald就感謝ViuTV方面主動提出延期拍攝，讓他有足夠時間休息，但少爺占又笑說：「我叫過換走佢！」兩人合作無間，問是否已當對方家人，Donald謂：「最憎佢o架喇！」果然「老友」。

少爺占坦言電台工作太夜收工，令其親子時間減少。	艾粒在ViuTV節目中，要從四位參選者中，挑選出真正被社會標籤的人。	Donald早前無辜遇襲，慘被扑穿頭入院。

談到家庭生活，少爺占坦言電台工作太夜收工：「惟有日頭爭取多啲時間同個仔玩多啲。」問Donald會否學拍檔生番個，他即耍手擰頭：「真係唔生，冇諗過，見佢哋都要花好多精神，借佢個仔嚟玩都好夠！」

文：影視組　

攝：吳文聰　

場地：權八居酒屋