劉青雲投訴導演靠害
影帝劉青雲、彭于晏（Eddie）及導演陳木勝昨日到馬來西亞宣傳新片《危城》，他們在兩日內連走多場活動，行程緊密，但仍樂在其中。片中另一主角古天樂未有同行，他們即趁機大講壞話！Eddie被問到若青雲和古仔齊齊跌落水，他會選擇救起誰？Eddie苦惱之際，青雲立即搶答，踢爆古仔不諳水性：「梗係救古天樂啦！佢唔識游水！」
片中不乏打鬥場面，而導演喜歡完成拍攝後就炸毀景點，青雲即開口投訴：「拍爆炸戲時成日都安排我最遲走，以前仲要多數係真爆，我就企喺個炸彈隔籬！雖然我成日借意行前兩步，但最後都會畀人叫退後。」陳導聞言笑說：「你係男主角，所以先最遲走啫！」
此外，Eddie在首映禮上應要求即場耍弄片中的大刀，引得一班粉絲不停尖叫！