「東張女神」利穎怡回憶初戀谷眼淚

無綫節目《東張西望》外景主持利穎怡（Joan）參加TVB第26期藝員訓練班入行，曾遠赴加拿大及內地多個城市冒險實地採訪天災事故，當中最令網友留下深刻印象的是她穿小背心報道搶包山情況的一幕，激凸身材帶挈她成為《東張》女神！

貴為女神的Joan理想對象竟是宅男？她說：「我平時係『乾物女』，匿喺屋企唔打扮，全日睇漫畫都得！（外形呢？）要高，唔好太瘦，識啲運動！咦？又要宅但又要識運動，好矛盾呀呵？」Joan本身是運動健將，求學時期曾擔任羽毛球會副會長，難怪希望男友可齊齊做運動！

異地戀分手收場

Joan性格爽朗似男仔頭，談起情史卻立即面色一沉，更一度扁嘴兼眼濕濕：「我都幾遲熟，21歲先初戀，嗰時喺加拿大讀書，中途嚟香港做交換生，男友都唔喺香港住，所以完成學期後各自返自己地方讀書。因為唔喺一齊，所以我哋成日會因為不同原因嗌交，佢好易怪我又唔信我，後來就搞到分手，點知反而發現佢呃我！」她其後入讀無綫藝員讀訓練班，導師鄭丹瑞要求練習哭泣，她當時第一時間就想起初戀男友，她說：「一諗起佢就一定喊，但之後諗起身邊人或事都喊到，例如《東張》節目採訪經歷咁。」

開朗活潑的Joan曾經受情傷，諗番起都仲眼濕濕！	利穎怡紮紮跳冇時停，如果另一半都咁好動就Perfect啦！	Joan是運動健將，任何球類運動都難唔倒佢！

食麵變咗肥妹仔

談到網上曾有男網民展開「最愛女士身材」調查，結果「微胖女」最受男士追捧，擁34C上圍的Joan正是此類型！她自認是肥妹，所以要狂做運動操弗，問到最滿意身體哪個部位？她笑說：「耳珠吖！好圓潤，有福呀！條眉都夠深色！（身形呢？）真係揀唔落手呀！其實我以前玩體操好瘦，但發育嗰陣食太多即食麵，之後就瘦唔番，奉勸大家唔好食過量即食麵！」

Profile

姓名：利穎怡（Joan）

年齡：28歲

身高：1米66

【http://goo.gl/WD0j4a】

泳裝：Blossom

化妝及髮型：Hanna Cheuk

文：立影

攝：吳文聰