蔡潔後巷親熱請王宗堯睇

藝人蔡潔、譚詠麟（阿倫）、陳小春及蔡瀚億昨日出席新片主題曲MV首播會，蔡潔直言未睇過新片製成品，又稱與蔡瀚億在後巷上演激情動作戲，她笑言已邀請男友王宗堯入場睇戲，又唔怕對方睇到眼火爆：「佢同蔡瀚億相識在先，感情好過我！（之後避拍親熱戲？）大家工作獨立，互相尊重。」提到日前王宗堯在網上晒出與她在浴室梳洗的「親密照」，問到是否同居？她說：「佢想多謝風筒同洗面機贊助商，我咪幫佢一人用一個。（朝朝共用浴室？）唔係，有獨立空間。」她又稱已見對方家長：「我對當晚飯菜好滿意同開心。（帶女婿返去見父母？）未係。」