松岡李那Plan終身大事生夠7個

日模松岡李那（Linah）日前穿上和服出席「東港城X太鼓達人運動會」，透露17歲時已在日本玩太鼓。Linah近年專心工作，除與師弟R-ICE合唱廣東歌外，又簽約日本經理人公司，獲荷里活電視劇試鏡機會，而且她更將日本時裝品牌引入香港，工作量大增，結果冇時間識男仔。

爸爸催抱孫

雖然30歲的Linah仍然單身，但她透露要在34歲結婚，更揚言想生7個小朋友，婚後要做在職媽媽，家庭事業一同兼顧！她說：「我要有baby，每年生一個，我本身想要生7個小朋友，但依家可能5個小朋友都夠，但最少要生3個。我想先生男仔，之後女仔，要有工作，先可以生活安定。」她更透露爸爸最近常透過身邊人催她盡快生小朋友，想一齊住兼湊孫，令她感到有壓力。

四年後嫁人

雖然Linah目標四年後結婚，但擇偶條件亦絕不馬虎，她表示：「我鍾意鬼佬，但唔知點解成日揀咗亞洲人，我鍾意高大，高過182厘米、浪漫、有驚喜、識講甜言蜜語。」她坦言熱愛工作，不喜歡被人控制，要有空間去做自己想做的事：「我想有自由空間，唔係我會抖唔到氣，唔鍾意人哋叫我做乜就做乜。」提到與林德信的關係，她強調兩人是朋友，不是前男友。

30歲的松岡自言好生養，每年生一個都不成問題！	松岡極之喜愛小朋友，揚言將來要做在職潮媽。	松岡不時在網上大晒fit爆身材吸引追求者。

服裝：Tsuruta Naoko　

場地：東港城

文：名人組