尹蓁晞初嘗姊弟戀
藝人尹蓁晞（Yumi）昨日現身鬧市派傳單，為一個女神招募選拔賽宣傳，34E上圍包到冚的她穿緊身連身短裙露「肉臂」，大晒玲瓏曲線。
早前被本報拍得當街嗲新歡Gavin兼擒上背孭回愛巢，她直認已拍拖兩個月，更透露對方是化妝師：「朋友介紹識，好耐冇公開拍拖，開始感覺幾好。（有冇幫你化妝？）今次個妝係自己化，有時屋企幫佢做模特兒試妝，啱啱兩個月，sweet嘅。」問到男友年紀，Yumi笑而不答，身旁的好友許嘉浩爆料：「係姊弟戀，男友細佢9年。」現年28歲的Yumi，男友只得19歲，她稱未試過姊弟戀，但不介意。