路芙被屈「男人入女廁」

資深電台節目主持人路芙及組合「I Love U Boyz」（艾粒）等昨日出席ViuTV節目《對不起 標籤你》發布會，路芙表示會在其中一集大談Tomboy（TB）主題，身為TB的她自言是首次明目張膽在節目中講到此話題，稱TB有100樣不同種類。問到有否曾被標籤？她坦言有：「前幾日去泰拳比賽，我去廁所，後面有人講點解個男人入女廁，擺明話緊我，同埋做嘢都試過，如果你係TB打扮會辛苦啲，啲人會覺得你咁鍾意做男人，你換水啦呢啲。細個好唔開心，大個識調整自己，會諗你哋都係唔抵得啲女友畀我追晒啫！」