鄭俊弘忙到冇時間鎅女

歌手鄭俊弘（Fred）昨日出席演唱會DVD簽唱會，吸引數百歌迷撐場，擠得整個商場水洩不通。Fred感激歌迷支持，對於歌迷捧住六、七張DVD索簽名，Fred說：「佢哋真係買好多，簽完當送禮咁送畀朋友。」
鄭俊弘模仿紙板公仔玩韻律泳。
鄭俊弘模仿紙板公仔玩韻律泳。

剛拍罷無綫劇集的Fred被笑有空閒時間識女仔，Fred說：「好忙，錄音同開會。（已經收埋一個喺屋企？）冇，工作為主，只係收埋咗隻狗。」至於無綫將製作音樂節目《Busking不停音樂》，Fred大表支持：「當年都同自己隊Band喺尖沙咀Busking（街頭表演），好開心，之前喺中環街頭畀兩個年輕人邀請Busking，自己都唱咗兩首歌。（唔驚畀人圍？）唔會，呢啲係即興。」

鄭俊弘與歌迷玩遊戲，氣氛熱烈。
  • 鄭俊弘與歌迷玩遊戲，氣氛熱烈。