《自殺特攻：超能暴隊》（Suicide Squad）兩名主角韋史密夫（Will Smith）與瑪歌羅比（Margot Robbie）日前上電台宣傳新片，其中一個環節兩人要出言攻擊對方，誰先笑就輸。一開波，瑪歌人身攻擊韋史密夫：「你耳仔好突出，好似天線咁可以接收到我阿媽喺澳洲屋企嘅Wifi。」韋史密夫即擺瑪歌母親上枱：「你之所以咁講，因為你知道我同你阿媽上過床。」瑪歌大笑，定一定神再說：「我阿媽之後唔想再打畀你，因為你花名係就係叫『Big Willy』，但係個名好誤導人。」暗踩韋史密夫下體細小。韋史密夫再回敬：「但係你阿媽不停尖叫喎！」瑪歌繼而嘲諷韋史密夫似「樣衰版奧巴馬（Barack Obama）」。