汪圓圓奶嘴跟身上機氹細路

玩具大王蔡志明太太蔡李惠莉與新抱汪圓圓、圓圓父母、汪詩詩一對子女、趙嘉懿與囝囝等，昨日出席香港女童軍百周年慈善首映《魯賓遜漂流記3D》。育有兩子一女的圓圓，表示女兒年紀尚小冇去過戲院，怕她會驚故未有同行，反而帶了家姐汪詩詩的一對子女到場欣賞電影。

蔡李惠莉擁八個孫

圓圓透露暑假一家人首次到新加坡旅行：「第一次帶埋三個BB去，又唔會太遠，最重要安全同乾淨。（泰國有爆炸驚唔驚？）去到邊都注意安全，冇得控制。（帶多嗰保鏢同行？）我哋鍾意一家人溫暖啲。」圓圓表示為怕小朋友上機喊，已經做定功課，帶大袋玩具同奶嘴上機：「佢哋好爭氣，瞓覺又冇喊。（一個人湊辛唔辛苦？）有奶奶同工人幫手。」身旁的蔡太即笑言：「我幫手玩。」圓圓大讚奶奶勁，五年抱六孫。蔡太表示：「今年又多三個孫，速度驚人，依家有八個孫，好熱鬧！（小朋友爭寵？）仲細未識，我哋好識做，平均分配，買禮物都買八份。」

汪圓圓早前與老公蔡加讚帶同孖B及女兒出遊新加坡。

趙嘉懿笑指囝囝過度活躍。

趙嘉懿被囝囝操fit

此外，趙嘉懿坦言陪兒子放了三星期暑假，已令她身心疲累。問到是否兒子要求多？她笑言：「佢過度活躍，玩完單車游水都唔(支力)，仲話要去卡拉ok、打籃球。（訓練你？）係，我fit咗好多，頂硬上，肌肉結實。」她透露女兒亦讀幼稚園，故暑假冇去旅行。

文：名人組