前晚藝人林盛斌（Bob）到澳門威尼斯人欣賞「藍神秀」表演，表示因其澳門公司拍檔有份籌辦，因此聯同劉威煌、小肥及一眾澳門歌手藝人撐場。平時主持慣各式各樣表演的Bob亦大讚目不暇給：「睇到世界級嘅默契同舞台效果，見到小朋友睇得好開心，我都想帶幾個囡再嚟睇！」身為公司老闆的Bob直認有鴻圖大計：「希望可以引入呢類世界級表演去唔同地方，令自己公司有新發展。」
