陳意嵐學做性感尤物

混血影壇新人陳意嵐（Tarah）樣子有點「鬼妹仔」，配合招牌甜美笑容，迷倒不少宅男！擁有32C、24.5、36.5婀娜身段的她，大學時期已擔任模特兒，並視演員為夢想，早前終憑與杜汶澤的床戲彈起。一直勤於進修演藝課程的她，為生計而學化妝，並擔任杜汶澤的化妝師，去年才正式簽約蕭定一公司「GME中國」旗下。

熱愛運動周身傷

熱愛運動的Tarah，中學時期經常因參與籃球、排球等運動而受傷，更笑言「閒閒哋都入廠」，她說：「以前好鍾意跳彈網，但好易受傷，嗰時屋企人好反對，直情鬧晒交，因為唔係韌帶撕裂就甩骹，斷手斷腳都好閒，唔覺意就入醫院，打晒石膏返屋企。」父母反對她做運動，認為她應花多點時間在學習上：「嗰時打波『篤魚蛋』，佢哋會話『手指又斷點彈琴，你好考埋個琴』！」由於陽光形象定型，她擔任模特兒時主要為運動服裝品牌拍攝，最有女人味已是行婚紗騷。

日子有功，陳意嵐舉手投足都散發性感美。	即將踏入三字頭，陳意嵐自覺是時候提升女人味。	Profile 三圍：32C、24.5、36.5 身高：1米73

鋼管舞谷女人味

Tarah自嘲年紀大，需要提升女人味，故選擇從舞蹈方面入手：「依家跳舞多，鋼管舞同比較有女人味嘅舞蹈，唔想只係運動型！」她認為性感也要學習，如穿高踭鞋、坐姿甚至手部柔軟技巧亦十分重要。女人味方面，她自評只有6分：「跳舞時本身想做個性感眼神或摸個身，但我會突然走樣，甩腳或者唔知摸咗去邊，成日蝦碌。」其實她早於上演藝課程時已發覺自己不夠女人味：「如果遇到性感角色咁點算？所以嘗試去搵性感兼女人味嘅自己。」

文：專案組

攝：吳文聰