小儀讚樂仔有Taste甘心做小三
藝人金剛昨日孖好拍檔小儀出席公開活動學水果雕花，金剛大講有味笑話之餘，當提到小儀與余文樂的緋聞時，更明寸自認小三的小儀「未夠班」，認真抵死！
藝人金剛與小儀昨日應邀出席《香港貿易美食博覽2016》，跟雕花大師學習水果雕花，又與現場觀眾交流，場面熱鬧！談到雕功，金剛大講有味笑話：「我以前最叻雕，依家就最叻插嘢……係雕嘅花插上水果上面，仲收埋啲水果喺屋企狂插！」小儀則大讚金剛的廚藝：「拍住佢做飲食節目，試過佢嘅手勢，佢好叻煮台灣地道菜，三杯雞同麻油雞好好味。」金剛即搶着說：「我都係跟我老母學嘢！」
索模新歡淪三奶
問金剛可打算開設私房菜一展廚藝，他突然轉Tone，認真地慨嘆本港租金太貴。記者笑指他可考慮入股小儀的食肆，小儀即揶揄他醜樣：「我啲拍檔要求完美，一定唔畀佢入股。（余文樂呢？）佢就一定得啦！」小儀早前與樂仔傳緋聞，但樂仔近日被拍到與外籍索模同行，小儀打趣說：「索模喎！好有Taste，其實我係小三，周冬雨先係正室，所以索模係三奶咋！唉……講笑咩！我連佢喺邊都唔知。」金剛即寸小儀：「就係佢咁有Taste，點會揀你吖？」
文：影視組