歌手何雁詩昨日出席活動時透露剛為新歌《只想可以跟你走》拍攝MV，她笑言導演拍得她勁有「女神」feel。問其韓籍男友聽了她的新歌沒有？何雁詩說：「最近我哋好少見，（分咗手？）都未嘅，（分手邊緣？）感情有高低時候，過咗甜蜜期會比較難捱，所以我覺得特別容易投入唱悽慘情歌。（首歌唱畀男友聽？）唱畀自己聽，（係咪文化背景差異難維繫？）唔係，關係過晒激情嘅時候，總會有啲問題跟住你，大家嘅想法未必咁一致，慢慢睇吓大家夾唔夾到。」
