關淑怡撐恩人 拋4吋事業線

著名填詞人向雪懷一連兩場《香港夏日流行音樂節·向雪懷一生中最愛作品演唱會》前晚在紅館開鑼，邀得周慧敏、關淑怡（Shirley）、譚詠麟（阿倫）、鍾鎮濤（阿B）、草蜢、黎瑞恩、湯寶如、王馨平、林志美和胡琳等擔任嘉賓，主角向雪懷一直在台下欣賞，直到周慧敏和阿倫出場，他遂上台與兩嘉賓「吹水」。

阿倫台上爆大鑊

全晚亮點落在Shirley身上，明天50歲生日的她穿上黑色超低胸衫獻唱，露出四吋「事業線」，逼爆上圍成功搶鏡。至於已甚少踏上舞台的黎瑞恩與12名舞蹈員邊唱邊跳，令全場拍爛手掌；王馨平則因感冒搞到聲沙。鬼馬的阿B在台上爆向雪懷當年是錄音室的「工作人員」，他疑似講粗口說：「有次錄音機壞咗，佢攞住辣雞手震震，黐嗰啲膠線，佢才華唔止黐嗰啲線，仲有一手好詞。」壓軸出場的阿倫爆對方創作的歌曲《午夜麗人》是寫給職業女性，他說：「好到肉，我問佢係咪成日去（指夜總會），當時佢話冇，佢依家梗係冇，因為佢太太好似坐佢側邊。」引得全場大笑。

胡琳希望邀請向雪懷為其新歌填詞。	阿倫（左）讚向雪懷的《午夜麗人》寫得到肉，更笑問他是否成日去夜總會。	周慧敏白衣女神Look出場獻唱。

受訪時，曬得一身古銅膚色的Shirley獲讚身形Fit，她說：「要Keep住，十月去上海表演。（到時要騷Body？）睇吓Keep唔Keep到。」她坦言Keep Fit是為了健康：「女人唔Keep唔得，會畀人話Dry。（你艷壓全場？）唔敢當。」她表示沒有向雪懷就沒有自己：「大家識我嘅歌都係向雪懷寫。」

胡琳搲大師填詞

主角向雪懷則直言開心，他說：「好感觸，好似Family咁，係寶麗金精神。」問到李克勤及黎明缺席會否感美中不足？他說：「克勤因為同容祖兒喺佛山開騷，佢話下次搞，邊度都去，黎明就當我印海報時話唔得，佢好紅，有好多工作，做呢行身不由己，今日已經好開心同好滿足。」胡琳表示雖未與向雪懷合作過，但在一次機緣巧合下認識，她說：「我鍾意嘅歌都係出自向雪懷手筆，希望請到佢幫我新歌填詞，又想佢介紹偶像黎明畀我識。」

文：音樂組

攝：唐豁莊