陳庭欣峰狂玩水抵你贏！

陳庭欣（Toby）、孫慧雪、黃智雯及李思捷等昨日齊集酒店泳池，為無綫新劇《超能老豆》宣傳，期間大會安排全體演員落水玩遊戲，雖然女士們均收起性感，在泳衣外穿上宣傳Tee，但Toby、阿雪及智雯烏身時也稍露事業線！

陳智燊學人出茅招

眾演員分成兩組玩遊戲，首先大會將四個水泡連成一起放在泳池中，並要求思捷及陳智燊比試誰跳得遠，其餘演員則在旁打氣，率先落水的思捷出茅招大步跨到較遠的水泡，其後陳智燊有樣學樣，同樣跨步踏入水泡，玩得相當「呢Hea」！另一遊戲則是兩隊演員分別坐上浮床，鬥快到池邊取水槍，拿得最多水槍及浮板的一隊便勝出，當中Toby最投入，烏身力搶水槍及浮板，即使外衣跌膊及「峰」頭盡露也在所不計，最終亦帶挈所屬隊伍勝出！

投入玩Game邊顧得咁多，難怪阿雪晒咗事業線都唔知！	《超能老豆》一眾演員暑假玩水戰宣傳，順便消暑！	陳智燊夾腳扮瑪麗蓮夢露，超麻甩！

孫慧雪食言又出「線」

事後Toby被問到是否藉此騷本錢？她說：「呢啲係我水上活動嘅能力，不過今日有小朋友唔敢盡興，冇推男仔落水。」對於前港姐張名雅將於下月9日結婚，姊妹團之一的Toby透露日前姊妹兄弟團已率先開會，更指新郎哥的9個兄弟中不乏專業人士，隨即被取笑其緋聞大狀男友Warren亦是專業人士，她說：「唔係，咁每個行業都係專業人士啦！（攜眷出席？）唔會，淨係請我一個。（張名雅有冇嬲你爆佢結婚？）冇，我叫佢睇番片，我冇講係邊個，係傳媒好醒估到。（你同唐貝詩一個爆結婚，一個爆婚期！）咁你哋去問何傲兒，可能佢有第二啲嘢爆。（張名雅係咪有BB？）冇問，佢仲好瘦，應該唔似。」

而曾揚言寫真集宣傳期後不會露事業線的阿雪，卻似乎玩遊戲玩到「食言」，對此她笑說：「係，不過我都唔知，仲諗住件衫咁高，頭先Toby話幫我設計好。（男友詐型？）唔會。」

文：影視組